രാജ്യവ്യാപക ബാങ്ക് സമരം പിൻവലിച്ചു

രാജ്യവ്യാപക ബാങ്ക് സമരം പിൻവലിച്ചു

ന്യൂഡൽഹി: തിങ്കളാഴ്ച മുതൽ 30 വരെ രാജ്യവ്യാപകമായി നടത്താനിരുന്ന മൂന്ന് ദിവസത്തെ ബാങ്ക് സമരം പിൻവലിച്ചു. ബാങ്ക് യൂണിയനുകളുടെ കൂട്ടായ്മയായ യുണൈറ്റഡ് ഫോറം ഓഫ് ബാങ്ക് യൂണിയൻസ് (യുഎഫ്ബിയു) ആണ് സമരം താൽക്കാലികമായി മാറ്റിവച്ചതായി അറിയിച്ചത്.

ഞായറാഴ്ച രാത്രി ഇന്ത്യൻ ബാങ്ക്സ് അസോസിയേഷനുമായി (ഐബിഎ) നടത്തിയ നിർണായക ചർച്ചകൾക്കൊടുവിലാണ് സമരം പിൻവലിക്കാൻ തീരുമാനമായത്. ബാങ്ക് ജീവനക്കാരുടെ വിവിധ ആവശ്യങ്ങൾ സംബന്ധിച്ച് നടത്തിയ ചർച്ചകളുടെ പശ്ചാത്തലത്തിലാണ് തീരുമാനം.

സമരം മാറ്റിവച്ചതോടെ രാജ്യത്തെ ബാങ്കുകളുടെ പ്രവർത്തനം തിങ്കളാഴ്ച സാധാരണ നിലയിൽ തുടരുമെന്നാണ് പ്രതീക്ഷ. സമരവുമായി ബന്ധപ്പെട്ട തുടർനടപടികൾ സംബന്ധിച്ച് യുഎഫ്ബിയു പിന്നീട് തീരുമാനമെടുക്കും.